367.47
Լիբանանի նախագահը հուլիսի 21-ին կայցելի Սպիտակ տուն
1 րոպեի ընթերցում
Սպիտակ տունը պաշտոնական հրավեր է հղել Լիբանանի նախագահ Ժոզեֆ Աունին՝ հուլիսի 21-ին Վաշինգտոն այցելելու և ԱՄՆ նախագահ Դոնալդ Թրամփի հետ հանդիպելու վերաբերյալ։ «Արմենպրես»-ի փոխանցմամբ՝ այս մասին հայտնել է Վաշինգտոնում Լիբանանի դեսպանատունը։
Դիվանագիտական ներկայացուցչության տեղեկացմամբ՝ «հրավերն արտացոլում է Լիբանանի և Միացյալ Նահանգների միջև երկարատև գործընկերությունը և հնարավորություն է տալիս երկու առաջնորդներին քննարկել փոխադարձ հետաքրքրություն ներկայացնող հարցեր, այդ թվում՝ երկկողմ հարաբերությունները, տարածաշրջանային անվտանգությունը և ԱՄՆ-ի շարունակական աջակցությունը Լիբանանի ինքնիշխանությանը, կայունությանը, տարածքային ամբողջականությանը և պետական ինստիտուտներին»։
Աունը լիբանանյան լրատվամիջոցներին ավելի վաղ հայտնել էր, որ այս ամիս կայցելի Վաշինգտոն՝ առաջ մղելու ԱՄՆ-ի միջնորդությամբ Իսրայելի հետ կնքված շրջանակային համաձայնագիրը, որի նպատակն է վերջ դնել Իսրայելի և «Հեզբոլլահ»-ի միջև ամիսներ տևած մարտերին։
Բաժանորդագրվեք մեր ալիքին Telegram-ում