1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ Վաշինգտոնը հասել է Իրանի հետ հակամարտության գրեթե բոլոր նպատակներին։ «Արմենպրես»-ի փոխանցմամբ՝ այս մասին նա ասել է CNBC-ի հետ հարցազրույցում։
«Կարծում եմ՝ նրանք համաձայնել են գրեթե ամեն բանի հետ, ինչ մեզ անհրաժեշտ է», - ասել է Թրամփը։
Ըստ Թրամփի՝ մոտավորապես չորս ամիս տևող հակամարտությունը համեմատաբար կարճ ժամանակահատված է, և ամերիկյան ուժերը ոչնչացրել են Իրանի ռազմական ներուժը՝ նավատորմը, օդուժը, ռադարային համակարգերը և ղեկավարներին։
«Եվ ի՞նչի եմ ես հասել։ Ես նրանց ռազմական առումով հաղթել եմ», - հայտարարել է ԱՄՆ ղեկավարը։
Նա հավելել է, որ Թեհրանի հետ բանակցությունները շարունակվում են, և ռազմական հակամարտությունը հանգեցրել է Իսլամական Հանրապետության միջուկային զենքի հարցի լուծմանը։
Թրամփը նաև նշել է, որ նավթի գինը հիմա նույնիսկ ավելի ցածր է, քան մինչև փետրվարի 28-ին Իրանի դեմ ռազմական գործողությունների մեկնարկը։