Մարկո Ռուբիոն չի առաջադրվի ԱՄՆ նախագահի պաշտոնում, եթե առաջադրվելու ցանկություն հայտնի Ջեյ Դի Վենսը. AP
1 րոպեի ընթերցում
ԱՄՆ պետքարտուղար Մարկո Ռուբիոն չի նախատեսում 2028 թվականի նախագահական ընտրություններում առաջադրվել Հանրապետական կուսակցությունից, եթե իր թեկնածությունն առաջադրելու մտադրություն հայտնի գործող փոխնախագահ Ջեյ Դի Վենսը։ «Արմենպրես»-ի փոխանցմամբ, այդ մասին հաղորդել է Associated Press գործակալությունը՝ հղում անելով պետքարտուղարի շրջապատի իր աղբյուրներին։
Ըստ գործակալության տվյալների՝ Ռուբիոն իր խորհրդականների և օգնականների հետ զրույցներում բազմիցս նշել է Վենսին զիջելու մտադրության մասին։ Միաժամանակ AP-ն ընդգծում է, որ վերջին ամիսներին Ռուբիոն, զբաղեցնելով պետքարտուղարի և ազգային անվտանգության հարցերով նախագահի օգնականի պաշտոնները, զգալիորեն ամրապնդել է իր ազդեցությունը վարչակազմում՝ իր համախոհներին նշանակելով Սպիտակ տան Ազգային անվտանգության խորհրդի առանցքային պաշտոններում։
Ավելի վաղ ԱՄՆ նախագահ Դոնալդ Թրամփը Fortune ամսագրին տված հարցազրույցում խուսափել էր պատասխանել 2028 թվականի հնարավոր իրավահաջորդի վերաբերյալ հարցին։
Ամերիկյան լրատվամիջոցները հաճախ են Ռուբիոյին և Վենսին անվանում են հիմնական հանրապետական թեկնածուներ, որոնք կարող են առաջիկա ընտրություններում պայքարել նախագահի պաշտոնի համար։