«Ժառանգությունը արմատների լույսի ներքո». Մոսկվայում ՀՀ դեսպանատանը ստեղծագործական երեկո է կազմակերպվել
1 րոպեի ընթերցում
Մոսկվայում Հայաստանի Հանրապետության դեսպանատան մշակութային կենտրոնում կազմակերպվել է ստեղծագործական երեկո՝ «Ժառանգությունը արմատների լույսի ներքո» խորագրով:
«Արմենպրես»-ի թղթակցի փոխանցմամբ՝ միջոցառման մեկնարկին մշակութային կենտրոնի ղեկավար Վլադիմիր Գաբբեն նշել է, որ նմանօրինակ երեկոները գերազանց առիթ են ևս մեկ անգամ համախմբելու այն մարդկանց, ովքեր միավորված են հայկական մշակույթի, ավանդույթների և ազգային արժեքների շուրջ:
Նրա խոսքով՝ երաժշտությունը, գեղարվեստական խոսքն ու անկեղծ շփումը խորհրդանշական կամուրջ են հայրենիքի եւ սփյուռքի միջեւ։ Հանդիպման հատուկ հյուրերն էին հայկական ժողովրդական երգարվեստի անվանի ներկայացուցիչներ Մավր Մկրտչյանն ու Վարդան Բադալյանը, դերասան և հաղորդավար Սուրեն Առուստամյանը։
Միջոցառման ընթացքում պարային կատարումներով հանդես է եկել Մոսկվայի «Անի» պարային համույթը՝ Արփինե Հակոբյանի ղեկավարությամբ։