ԵՄ-ն Կիևին է փոխանցում 90 մլրդ վարկի առաջին մասնաբաժինը՝ 3,2 մլրդ եվրոյի չափով. ֆոն դեր Լայեն

2 րոպեի ընթերցում

Գդանսկում Ուկրաինայի վերակառուցման վերաբերյալ համաժողովում Եվրահանձնաժողովի նախագահ Ուրսուլա ֆոն դեր Լայենը հայտարարել է, որ Ուկրաինաին տրամադրվող ԵՄ 90 միլիարդ եվրո վարկի առաջին մասնաբաժինը կազմում է 3,2 միլիարդ եվրո, և այն շուտով կփոխանցվի Կիևին։ «Արմենպրես»-ի փոխանցմամբ՝ այս մասին նա նշել է X-ում գրառման մեջ։

«Ռուսաստանի լայնածավալ ներխուժման սկզբից ի վեր ԵՄ-ն և նրա անդամ պետությունները աննախադեպ տնտեսական, ֆինանսական և ռազմական աջակցություն են ցուցաբերել։ Այսօր մենք փոխանցում ենք Ուկրաինային տրամադրվող 90 միլիարդ եվրոյի աջակցության վարկի առաջին տրանշը։ Սա եվրոպական համերաշխությունն է գործողության մեջ», - գրել է նա։

Կից նյութում նշվում է, որ առաջին տրանշը կազմում է 3,2 միլիարդ եվրո։

Մեկ այլ գրառման մեջ Եվրահանձնաժողովի նախագահը նշել է, որ ԵՄ-ն առաջ է մղել Ուկրաինայի եվրոպական ուղին և ստեղծել աճի նոր հնարավորություններ։

«Նախորդ տարվա ընթացքում մենք ամրապնդել ենք Ուկրաինայի տնտեսական հիմքերը։ Մենք առաջ ենք մղել նրա եվրոպական ուղին։ Եվ մենք ստեղծել ենք աճի նոր հնարավորություններ։ Հիմա ժամանակն է ներդրումներ կատարել Ուկրաինայում։

20 տրիլիոն եվրո արժողությամբ միասնական շուկայի ապագա անդամ», - նշել է նա։

Ֆոն դեր Լայենը նաև անդրադարձել է Ուկրաինայի զինված ուժերին՝ նշելով, որ նրանց քաջությունը «փոխել է մարտադաշտում տիրող իրավիճակը»։

«Եվ ուկրաինացի ժողովրդի վճռականությունը աշխարհին ցույց է տվել, որ նրանց եվրոպական ընտրությունը չի կարող խախտվել»,- հավելել է նա։

Աշխարհ

Արևմուտքը Կիևին 375 միլիոն եվրո կհատկացնի էներգետիկայի համար. Շմիհալ

Հայերեն Русский

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը