Իսրայելի զինված ուժերը հերքում են Լիբանանի հարավում անվտանգության գոտուց ուժերի մասնակի դուրսբերումը

2 րոպեի ընթերցում

Իսրայելի պաշտպանության բանակը (ԻՊԲ) հայտարարել է, որ իր ստորաբաժանումները դուրս չեն բերվել Լիբանանի հարավի անվտանգության գոտու տարածքների մի մասից: «Արմենպրես»-ի փոխանցմամբ՝ այս մասին հաղորդում է Ynet պարբերականը։

ԻՊԲ-ն վստահեցրել է, որ զորքերը մնում են իրենց նախկին դիրքերում, որ վերջին օրերին ոչինչ չի փոխվել, և որ քաղաքական ղեկավարությունից նոր հրահանգներ չեն ստացվել։

Լիբանանի անվտանգության ծառայությունների աղբյուրը Ynet-ին հաստատել է, որ Բեյրութում տեղյակ չեն իսրայելական զորքերի մասնակի դուրսբերման մասին։

Ավելի վաղ արևմտյան լրատվամիջոցներում տեղեկատվություն էր հայտնվել, որ ԻՊԲ-ն, բարի կամք դրսևորելով Լիբանանի կառավարության նկատմամբ, զինվորականներին դուրս է բերել անվտանգության գոտու առանձին շրջաններից։

Հունիսի 24-ին Reuters-ը հաղորդել էր, որ Իսրայելի և Լիբանանի միջև հունիսի 23-ին մեկնարկած բանակցություններում քննարկվել է ԱՄՆ-ի կողմից աջակցվող առաջարկը, որի համաձայն իսրայելական ուժերը պետք է լիբանանյան զինվորականներին հանձնեն «Հեզբոլլահ»-ի դեմ պատերազմի ժամանակ գրավված տարածքների մի մասը։

Մերձավոր Արևելք

Իսրայելն ու Լիբանանը քննարկում են հարավային Լիբանանի որոշ շրջաններ լիբանանյան բանակին փոխանցելու վերաբերյալ հարցեր

Սակայն հունիսի 24-ին Իսրայելի պաշտպանության նախարար Իսրայել Կացը հայտարարել էր, որ իսրայելական զորքերը չեն հեռանա Լիբանանի հարավային շրջաններից, նույնիսկ եթե Վաշինգտոնից համապատասխան պահանջներ ստացվեն։ Իսրայելի իշխանությունները մինչ այդ էլ նշել էին, որ ԻՊԲ-ն կմնա Լիբանանի հարավում։

Միջազգային

Իսրայելի պաշտպանության նախարարը բացառել է զորքերի դուրսբերումը Լիբանանից՝ նույնիսկ ԱՄՆ-ի պահանջով

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն