1 րոպեի ընթերցում
Վենեսուելայում տեղի ունեցած հզոր երկրաշարժի զոհերի թիվը հասել է 164-ի: «Արմենպրես»-ի փոխանցմամբ՝ այս մասին հաղորդում է CNN-ը՝ վկայակոչելով երկրի նախագահի պաշտոնակատար Դելսի Ռոդրիգեսին։ Հաղորդվում է, որ սրանք վերջնական տվյալները չեն։
Հայտնի է նաև 971 տուժածի մասին։ Ավելի վաղ հաղորդվել էր 32 զոհի և 700 տուժածի մասին։ Սպասվում է, որ զոհերի և վիրավորների թիվը կարող է աճել, քանի որ երկրում բազմաթիվ շենքեր են փլուզվել, և ամբողջ գիշեր տևած որոնողափրկարարական գործողությունները չեն ավարտվել։
40 վայրկյան ընդմիջումով տեղի ունեցած 7,2 և 7,5 մագնիտուդով առաջին հզոր ցնցումներին հաջորդել է առնվազն 30 հետցնցում, հայտնել է Ռոդրիգեսը:
Պետության ղեկավարը, ՄԱԿ-ի հետ համակարգված, զբաղվում է օտարերկրյա փրկարարների՝ Վենեսուելա մեկնման հարցերով, ինչպես նաև Արժույթի միջազգային հիմնադրամի հետ քննարկում է 200 միլիոն դոլար նախնական ծավալով տնտեսության վերականգնման հիմնադրամի ստեղծումը։ Ռոդրիգեսը նաև կոչ է արել մասնավոր հատվածին օգնել փլատակներում որոնողական աշխատանքներ իրականացնելու համար ծանր տեխնիկա գնելու հարցում։