1 րոպեի ընթերցում
ԱՄՆ նախագահ Դոնալդ Թրամփը չի բացառել, որ Կուբայում հնարավոր գործողությունը կարող է զարգանալ Վենեսուելայում տեղի ունեցած վերջին իրադարձությունների սցենարով։ «Արմենպրես»-ի հաղորդմամբ՝ այս մասին Թրամփը հայտարարել է Axios Show-ին տված հարցազրույցում։
Պատասխանելով հնարավոր միջամտության վերաբերյալ հարցին՝ ԱՄՆ նախագահը նշել է. «Հնարավոր է։ Դա հնարավոր է»։
Նա հավելել է, որ Կուբայի աշխարհագրական մոտիկությունը Միացյալ Նահանգներին նման գործողությունները դարձնում է «զգալիորեն ավելի հեշտ»՝ համեմատած ավելի հեռավոր տարածաշրջանների հետ։
Թրամփը համեմատել է նաև տարածաշրջանի երկրների ռեսուրսները՝ նշելով, որ Վենեսուելան ունի նավթի խոշոր պաշարներ, իսկ Կուբան՝ շահավետ աշխարհագրական դիրք և ծովափնյա գոտի։
Axios-ի փոխանցմամբ՝ ԱՄՆ վարչակազմում արդեն մշակվել են Կուբայում հնարավոր ճգնաժամի դեպքում արձագանքման տարբերակներ, որոնցում ներգրավված է նաև պետքարտուղար Մարկո Ռուբիոն։
Միևնույն ժամանակ Թրամփը շեշտել է, որ նախընտրում է իշխանափոխության խաղաղ սցենարը։ Նրա խոսքով՝ հնարավոր գործողությունների ժամկետները մնում են «ճկուն»։