Լիբանանի հարավում Իսրայելի հարձակումների հետևանքով զոհերի թիվը հասել է 18-ի

2 րոպեի ընթերցում

Լիբանանի առողջապահության նախարարության հայտարարել է, որ հունիսի 19-ի կեսգիշերից մինչև առավոտ Լիբանանի հարավային տարբեր շրջանների ուղղությամբ իսրայելական հարձակումների հետևանքով զոհերի թիվը հասել է 18-ի։ 33 մարդ վիրավորվել է։ «Արմենպրես»-ի փոխանցմամբ՝ այս մասին հայտնում է Լիբանանի ազգային լրատվական գործակալությունը (NNA):

Նախարարությունը տեղեկացնում է, որ օդային հարվածները խոչընդոտում են զոհերի և վիրավորների տարհանմանը։

«Մարտի 2-ից մինչև հունիսի 18-ն ընկած ժամանակահատվածում զոհերի ընդհանուր թիվը հասել է 3912-ի, վիրավորներինը՝ 11873-ի»,- նշվել է Լիբանանի առողջապահության նախարարության հունիսի 19-ի հայտարարության մեջ։

«Հեզբոլլահը» հայտարարել է, որ «Իսլամական դիմադրությունը» թիրախավորել է իսրայելական ուժերին, որոնք փորձել են ներթափանցել Լիբանանի հարավում գտնվող Ալի ատ-Տահեր բարձունքի հյուսիսային կողմը։

Իսրայելական բանակը Telegram-ում հրապարակված գրառման մեջ հայտարարել է, որ հարավային Լիբանանում մարտական ​​գործողությունների ժամանակ չորս զինվոր է զոհվել։

Լիբանանը ներքաշվել է Մերձավոր Արևելքի հակամարտության մեջ այն բանից հետո, երբ «Հեզբոլլահ»-ն, ի պատասխան Իրանի դեմ ամերիկա-իսրայելական հարվածների, մարտի 2-ից հարձակումներ սկսեց Իսրայելի դեմ։

Նշենք, որ օրերս ԱՄՆ-ի և Իրանի միջև ձեռք բերված խաղաղության շուրջ համաձայնության շրջանակում պաշտոնական Թեհրանը հայտարարել էր, որ պետք է դադարեցվեն բոլոր տեսակի ռազմական գործողությունները նաև Լիբանանի տարածքում։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն