Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal
1 րոպեի ընթերցում
ԱՄՆ պաշտպանության փոխնախարար Սթիվեն Ֆայնբերգն այս շաբաթ ամերիկացի օրենսդիրներին ասել է, որ գերատեսչությանը անհրաժեշտ է 80 միլիարդ դոլար՝ Իրանի դեմ պատերազմի ծախսերը, ինչպես նաև ոչ պատերազմական այլ պարտավորություններ ծածկելու համար։ «Արմենպրես»-ի փոխանցմամբ, այս մասին հայտնում է The Wall Street Journal պարբերականը։
Ըստ գործընթացին ծանոթ անանուն աղբյուրի՝ ամբողջական հավելյալ ֆինանսավորման հայտը կարող է օրենսդիրներին ուղարկվել առաջիկա օրերի ընթացքում։
ԱՄՆ–ի և Իսրայելի կողմից Իրանի դեմ պատերազմի ընդհանուր ծախսերի ընդհանուր ծավալը շարունակում է անհայտ մնալ, սակայն փորձագետները գնահատում են, որ հակամարտությունը կարող է ԱՄՆ տնտեսության համար արժենալ մինչև 1 տրիլիոն դոլար։