Մոսկվայում նշել են, թե որն է ռուս-ամերիկյան հարաբերությունների վերականգնման բանալին
1 րոպեի ընթերցում
Ռուս-ամերիկյան հարաբերությունների վերականգնման բանալին քաղաքացիական դիվանագիտությունն է։
«Արմենպրես»-ի հաղորդմամբ՝ նման հայտարարությամբ է հանդես եկել Ռուսաստանի ուղղակի ներդրումների հիմնադրամի ղեկավար և արտասահմանյան երկրների հետ ներդրումների և տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևը։
«Քաղաքացիական դիվանագիտությունը բանալին է ԱՄՆ-Ռուսաստան հարաբերությունների վերականգնման համար, որոնք քանդվել էին ԱՄՆ նախկին նախագահ Ջո Բայդենի, խորքային պետության և լրատվամիջոցների կողմից», - գրել է Դմիտրիևը X-ի իր միկրոբլոգում։