1 րոպեի ընթերցում
Չինաստանի արտաքին գործերի նախարարության խոսնակ Լին Ցզյանը հունիսի 10-ին մամուլի ասուլիսում հայտարարել է, որ Պեկինը «խորապես մտահոգված է» Մերձավոր Արևելքի պատերազմի զարգացումներով, և կոչ է արել չշարունակել մարտերը։ «Արմենպրես»-ի փոխանցմամբ՝ այս մասին հաղորդում է France 24-ը։
«Համապատասխան կողմերը պետք է պահպանեն հանգստություն և ցուցաբերեն զսպվածություն, դադարեցնեն հակամարտության և իրավիճակի սրումը, ձեռնարկեն կոնկրետ միջոցներ լարվածությունը մեղմելու և հանդարտեցնելու համար», ասել է խոսնակը։
Մեկնաբանությունները հնչել են Հորմուզի նեղուցում Apache ուղղաթիռի խոցման պատճառով ԱՄՆ-ի կողմից Իրանի վրա օդային հարվածներ հասցնելուց հետո։ ԱՄՆ-ն ուղղաթիռի կործանման համար մեղադրել է Իսլամական Հանրապետությանը։ Ի պատասխան ԱՄՆ հարվածների՝ Իրանը հարվածներ է հասցրել Հորդանանում, Բահրեյնում և Քուվեյթում գտնվող ամերիկյան օբյեկտների։