Լեհաստանի արտգործնախարարը շնորհավորել է Հայաստանի ժողովրդին ընտրությունների առթիվ

Լեհաստանի արտաքին գործերի նախարար Ռադոսլավ Սիկորսկին շնորհավորել է Հայաստանի ժողովրդին Հայաստանում հունիսի 7-ին կայացած խորհրդարանական ընտրությունների առիթով։

«Երեկ կայացած խորհրդարանական ընտրությունների արդյունքները հստակ ցույց են տալիս, որ Հայաստանը ընտրել է արևմտամետ ուղի։ Լեհաստանը ակնկալում է շարունակել Հայաստանի հետ հետագա համագործակցությունը։ Մենք պատրաստ ենք աջակցել բարեփոխումներին, որոնք ձեզ ավելի են մոտեցնում Եվրոպային»,- «Արմենպրես»-ի հաղորդմամբ՝ X-ի իր միկրոբլոգում գրել է  նա։

Congratulations to the people of 🇦🇲. Results of the parliamentary elections held yesterday show clearly that Armenia has chosen pro-western path.
Poland looks forward to further cooperation with Armenia. We stand ready to support reforms bringing you closer to Europe.

— Radosław Sikorski 🇵🇱🇪🇺 (@sikorskiradek) June 8, 2026

Հայաստանում հունիսի 7-ին կայացած խորհրդարանական ընտրությունների նախնական արդյունքներով խորհրդարան մտնելու անցողիկ շեմը հաղթահարել է երեք քաղաքական ուժ՝ «Քաղաքացիական պայմանագիր» կուսակցությունը՝ 727 հազար  820 կամ 49,825 տոկոս ձայներով, «Ուժեղ Հայաստան» դաշինքը՝ 340 հազար 88 կամ 23,281 տոկոս ձայներով, «Հայաստան» դաշինք՝ 145 հազար 113 կամ 9,934 տոկոս ձայներով։  «Քաղաքացիական պայմանագիր» կուսակցությունը քվեարկության նախնական արդյունքներով կկարողանա մեծամասնություն ստանալ խորհրդարանում և ձևավորել կառավարություն։