Շվեդիայի վարչապետը շնորհավորել է Նիկոլ Փաշինյանին

Շվեդիայի վարչապետ Ուլֆ Քրիստերսոնը շնորհավորել է իր հայ գործընկերոջը՝ Նիկոլ Փաշինյանին՝ Հայաստանում հունիսի 7-ին կայացած խորհրդարանական ընտրություններում նրա ղեկավարած «Քաղաքացիական պայմանագիր» կուսակցության հաղթանակի առթիվ: «Արմենպրես»-ի հաղորդմամբ՝ Քրիստերսոնը գրառում է կատարել X սոցիալական ցանցի անձնական էջում:

My sincere congratulations to @NikolPashinyan on his success in Armenia's parliamentary elections.

I look forward to deepening Sweden's and the EU's cooperation with Armenia, as well as continuing our support for the regional peace process.

— Ulf Kristersson (@SwedishPM) June 8, 2026

«Իմ անկեղծ շնորհավորանքներն եմ հղում Նիկոլ Փաշինյանին՝ Հայաստանի խորհրդարանական ընտրություններում գրանցած հաջողության կապակցությամբ։ Անհամբեր սպասում եմ Հայաստանի հետ Շվեդիայի և ԵՄ համագործակցության խորացմանը, ինչպես նաև տարածաշրջանային խաղաղության գործընթացին մեր աջակցության շարունակությանը»,- նշել է Շվեդիայի վարչապետը:

Հայաստանում հունիսի 7-ին կայացած խորհրդարանական ընտրությունների նախնական արդյունքներով խորհրդարան մտնելու անցողիկ շեմը հաղթահարել է երեք քաղաքական ուժ՝ «Քաղաքացիական պայմանագիր» կուսակցությունը՝ 727 հազար 160 կամ 49,825 տոկոս ձայներով, «Ուժեղ Հայաստան» դաշինքը՝ 340 հազար 88 կամ 23,281 տոկոս ձայներով, «Հայաստան» դաշինք՝ 145 հազար 113 կամ 9,934 տոկոս ձայներով։  «Քաղաքացիական պայմանագիր» կուսակցությունը քվեարկության նախնական արդյունքներով կկարողանա մեծամասնություն ստանալ խորհրդարանում և ձևավորել կառավարություն։