Լիբանանի նախագահը հնարավոր է համարում հրադադարի հաստատումն առաջիկա 24 ժամվա ընթացքում

2 րոպեի ընթերցում

Լիբանանի նախագահ Ջոզեֆ Աունը հունիսի 4-ին հայտարարել է, որ Լիբանանի և Իսրայելի միջև ԱՄՆ միջնորդությամբ կնքված հրադադարը կարող է ուժի մեջ մտնել բոլոր շահագրգիռ կողմերի կողմից դրա հաստատումից հետո՝ 24 ժամվա ընթացքում։ «Արմենպրես»-ի փոխանցմամբ՝ այս մասին հայտնում է Al Jazeera-ն։

«Մենք սպասում ենք հրադադարի ներգրավված բոլոր կողմերի արձագանքներին»,- լրագրողների հետ զրույցում նշել է նա։

Աունը նաև ընդգծել է, որ բանակցությունները դժվար են ընթացել և լիբանանյան պատվիրակության ղեկավարը մի պահ դադարեցրել է մասնակցությունը՝ Իսրայելի չզիջողականության պատճառով։ Նա հավելել է, որ բանակցությունները վերսկսվել են ԱՄՆ պետքարտուղար Մարկո Ռուբիոյի միջամտությունից հետո։

Աունը շեշտել է, որ համաձայնագիրը «վերջին հնարավորությունն է»՝ զգուշացնելով, որ հակառակ դեպքում յուրաքանչյուր կողմ կկրի իր պատասխանատվությունը։

«Համաձայնագիրը կայուն կլինի, մենք հույս ենք դնում նախագահ Թրամփի գործոնի վրա»,- նշել է նախագահ Ջոզեֆ Աունը։

Թեպետ ԱՄՆ միջնորդությամբ հունիսի 3-ին հայտարարվել էր Իսրայելի և Լիբանանի միջև հրադադարի հաստատման մասին, սակայն իսրայելական կողմը հայտարարել է, որ իրենք շարունակելու են գործողությունները լիբանանյան տարածքում։

Մերձավոր Արևելք

Իսրայելի պաշտպանության նախարարը հայտնել է Լիբանանում ռազմական գործողությունները շարունակելու մասին

 

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն