Լատվիայի նոր վարչապետը ցանկանում է խզել առևտրային կապերը Ռուսաստանի հետ

1 րոպեի ընթերցում

Լատվիայի նոր վարչապետ Անդրիս Կուլբերգսը, որի կառավարությունը հաստատվել է մայիսի 28-ին, հայտարարել է, որ ցանկանում է խզել առևտրային կապերը Ռուսաստանի հետ և դա հանձնարարում է արտաքին գործերի նախարարությանը։ «Արմենպրես»-ի փոխանցմամբ՝ այս մասին հաղորդում է LETA լրատվական գործակալությունը։

Ըստ հրապարակման՝ Կուլբերգսն ընդգծել է, որ առաջվա պես պնդում է, որ Ռուսաստանի հետ գործարար կապեր չպետք է պահպանել։ Հարցին, թե արդյոք նրա ասածը նշանակում է, որ Լատվիայի ծրագիրը նախատեսում է Ռուսաստան ներմուծման և արտահանման դադարեցում՝ առանձին բացառություններով, Կուլբերգսը դրական է պատասխանել։

Նշվում է, որ վարչապետն ԱԳ նախարար Բայբա Բրաժեին կհանձնարարի «այս հարցի լուծումը գտնել» ԵՄ-ի հետ համակարգմամբ։

Կուլբերգսը դրա հետ մեկտեղ ընդունել է, որ Լատվիայի դեղագործական հատվածը չի կարողանա արագորեն վերակողմնորոշվել դեպի այլ շուկա, ուստի հարցը կքննարկվի դեղագործական ընկերությունների ղեկավարների հետ։ Կուլբերգսը չի հստակեցրել, թե էլ որ հատվածները կարող են բացառություններ ակնկալել։

LETA-ի տվյալներով՝ 2026 թվականի առաջին երեք ամսում Լատվիան Ռուսաստան է արտահանել 244,15 միլիոն եվրոյի ապրանք, իսկ Ռուսաստանից ներմուծել է 10,51 միլիոն եվրոյի ապրանք։

Հայերեն Русский

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն