2 րոպեի ընթերցում
Հոդվածը հրապարակվում է «Արմենպրես»-ի և BTA-ի միջև ստորագրված համաձայնագրի շրջանակում։
Բուլղարիան ամերիկյան ռազմական օդանավերին թույլ կտա մնալ իր տարածքում միայն մինչև հունիսի վերջ։ Նման հայտարարություն է արել երկրի նախագահ Ռումեն Ռադևը՝ հայտարարելով, որ մինչև հիմա ամերիկյան կողմը դրական պատասխան չի տվել Բուլղարիայի քաղաքացիների համար ԱՄՆ վիզան չեղարկելու իրենց դիմումին։ Ինչպես հաղորդում է «Արմենպրես»-ը, այս մասին հայտնում է բուլղարական ազգային BTA գործակալությունը։
«Կառավարության նախորդ նիստում ես հայտարարեցի, որ ԱՄՆ նախագահի հետ իմ զրույցի ժամանակ խնդրել եմ չեղարկել վիզայի պահանջը Բուլղարիայի քաղաքացիների համար։ Ես դեռևս դրական պատասխան չեմ ստացել, և լիովին հասկանում եմ կարգավորող ընթացակարգերի բարդությունը և ժամանակային սահմանափակումները, բայց մենք նույնպես ունենք մեր սեփական առաջնահերթություններն ու ընթացակարգերը և չենք կարող դրական արձագանքել Սոֆիայի օդանավակայանում ինքնաթիռների և տանկերի՝ ավելի երկար մնալու խնդրանքին»,- հայտարարել է Ռադևը։
Բուլղարիան ԱՄՆ ռազմական ինքնաթիռներ էր տեղակայում մայրաքաղաք Սոֆիայում՝ համաձայն համաձայնագրի, որի ժամկետն ավարտվում է մայիսի վերջին։
Ռադևը հայտարարել է, որ կառավարությունը մայիսի 29-ի նիստում որոշում կկայացնի ԱՄՆ ինքնաթիռների մնալը մինչև հունիսի վերջ երկարաձգելու մասին, որպեսզի ԱՄՆ-ն ժամանակ ունենա կազմակերպվելու և տեղակայման այլ վայր գտնելու համար։