1 րոպեի ընթերցում
Հայաստանի ֆուտբոլի առաջնության գավաթակիր Երևանի «Նոա» ֆուտբոլային ակումբի առաջատար Գոնսալու Սիլվա հեռանում է ակումբից:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը:
«Ես հպարտ եմ այս ակումբով, քանի որ օրեցօր, քայլ առ քայլ այն աճում է: Նախագահը տալիս է այն ամենն, ինչ կարող է: Ակումբում ներդրվում է ամեն ինչ: Դժվար է հեռանալ, բայց կյանքն այդպիսին է: Փուլերն ավարտվում են, որպեսզի սկսվեն նորերը»,-ասել է Գոնսալու Սիլվան:
Սիլվան «Նոա»-ին էր միացել 2024 թվականին: Պորտուգալացի պաշտպանը կարիերան սկսել է պորտուգալական «Բարեյրենս»-ում։ Տեղի «Լուսադա»-ում ու «Ատլետիկո»-ում մեկական մրցաշրջան անցկացնելուց հետո, Սիլվան տեղափոխվել է «Բրագա»-ի 2-րդ թիմ, այնուհետև՝ «Բելենենսեշ»։ 2021 թվականին Սիլվան տեղափոխվել է լեհական «Ռադոմյակ»: