Շակիրան, Մադոննան և կորեական BTS-ը ելույթ կունենան ֆուտբոլի Աշխարհի առաջնության եզրափակչի ընդմիջմանը
1 րոպեի ընթերցում
ՖԻՖԱ-ն հայտարարել է, որ այս տարի ԱՄՆ-ում, Կանադայում և Մեքսիկայում կայանալիք ֆուտբոլի Աշխարհի առաջնության եզրափակչի ընդմիջմանը ելույթ կունենան Շակիրան, Մադոննան և կորեական փոփի սուպերաստղեր համարվող BTS խումբը։
Ինչպես հաղորդում է «Արմենպրես»-ը, եզրափակիչ խաղը տեղի կունենա հուլիսի 19-ին ԱՄՆ-ի Նյու Ջերսի քաղաքում։
Եզրափակչի ընդմիջման շոուի շահույթն ուղղվելու է FIFA-ի Global Citizen Education Fund կրթական հիմնադրամին, որի նպատակն է հավաքագրել 100 միլիոն ԱՄՆ դոլար՝ ողջ աշխարհում երեխաների համար որակյալ կրթության և ֆուտբոլի հասանելիությունը ընդլայնելու համար։
«2026 թվականի Աշխարհի առաջնության խաղերի վաճառված յուրաքանչյուր տոմսից 1 ԱՄՆ դոլարը կնվիրաբերվի հիմնադրամին»,- հայտնել են ՖԻՖԱ-ից։
Ֆուտբոլի միջազգային ասոցիացիայի խորհրդի կողմից սահմանված ֆուտբոլի պաշտոնական կանոնները սահմանում են, որ ընդմիջման տևողությունը չպետք է գերազանցի 15 րոպեն, և պարզ չէ՝ արդյոք այս կանոնը կփոփոխվի ելույթի համար, թե ոչ։ Նման գործելաոճը կիրառելի է օրինակ ամերիկյան ֆուտբոլի եզրափակչի՝ Սուպերբոուլի ընդմիջման շոուների ժամանակ։