1 րոպեի ընթերցում
Իրանի արտաքին գործերի նախարար Աբբաս Արաղչին և Ադրբեջանի արտգործնախարար Ջեյհուն Բայրամովը մայիսի 13-ին հեռախոսազրույցի ընթացքում քննարկել են տարածաշրջանային և երկկողմ օրակարգի տարբեր թեմաներ։ «Արմենպրես»-ի փոխանցմամբ՝ այս մասին հաղորդում է Tasnim լրատվական գործակալությունը։
Նշվում է, որ կողմերը քննարկել են դիվանագիտական վերջին զարգացումները, տարածաշրջանային իրադարձությունները և Իրան-Ադրբեջան երկկողմ հարաբերությունների վերաբերյալ հարցեր։
Ադրբեջանի ԱԳ նախարարության փոխանցմամբ՝ հեռախոսազրույցի ընթացքում կողմերը քննարկել են Իրանի շուրջ ստեղծված իրավիճակի դիվանագիտական և քաղաքական կարգավորման հեռանկարները։
Հաղորդագրության համաձայն՝ Արաղչին մանրամասն տեղեկություններ է տրամադրել բանակցային գործընթացի վերաբերյալ։
Բայրամովը նշել է, որ Ադրբեջանն աջակցում է հակամարտությունը խաղաղության և բանակցությունների միջոցով լուծելու ջանքերին։
Ըստ Ադրբեջանի ԱԳՆ-ի՝ նախարարները նաև մտքեր են փոխանակել փոխադարձ հետաքրքրություն ներկայացնող երկկողմ, տարածաշրջանային և միջազգային այլ հարցերի շուրջ։