Թուրքիայի նախագահի խորհրդականն ու Մագդալենա Գրոնոն քննարկել են Հայաստան-Ադրբեջան խաղաղության գործընթացը
1 րոպեի ընթերցում
Թուրքիայի նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչը և Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն քննարկել են Հայաստան-Ադրբեջան խաղաղության գործընթացին վերաբերող հարցեր։
«Արմենպրես»-ի հաղորդմամբ՝ այս մասին X-ի էջում գրել է Քըլըչը:
«Հանդիպման ընթացքում քննարկել ենք Ադրբեջան-Հայաստան խաղաղության գործընթացը, Թուրքիա-Հայաստան կարգավորման գործընթացը, Հարավային Կովկասում կապուղիների նախագծերը, տարածաշրջանային կայունության և անվտանգության հարցերը, ինչպես նաև տարածաշրջանի նկատմամբ ԵՄ մոտեցումը»,-գրել է նա։
Քըլըչն ընդգծել է նաև համատեղ ջանքերի կարևորությունը՝ ուղղված Հարավային Կովկասում տևական խաղաղության, կայունության և համագործակցության ամրապնդմանը։