1 րոպեի ընթերցում
Իրանի նպատակն է հասնել կայուն խաղաղության: «Արմենպրես»-ի փոխանցմամբ՝ այս մասին հայտարարել է Իսլամական Հանրապետության կառավարության ներկայացուցիչ Ֆաթեմե Մոհաջերանին։
«40 օրվա ընթացքում մենք կռվել ենք խոշորագույն ռազմական տերության դեմ: Մենք նախկինի նման գտնվում ենք պատրաստության վիճակում, բայց նաև սպասում ենք պարզաբանումների բանակցային գործընթացի հետագա ճակատագրի վերաբերյալ: Մեր գլխավոր նպատակն է հասնել կայուն խաղաղության», - մեջբերել է նրա խոսքն Իրանի SNN հեռուստաալիքը։
ԱՄՆ-ն և Իսրայելը փետրվարի 28-ին պատերազմ են սկսել Իրանի դեմ: Ապրիլի 8-ին ԱՄՆ նախագահ Դոնալդ Թրամփը հայտարարել է Իսլամական Հանրապետության հետ երկշաբաթյա փոխադարձ հրադադարի մասին, որն այնուհետև անորոշ ժամկետով երկարաձգվել է: Իրանական կողմի տվյալներով՝ պատերազմի 40 օրվա ընթացքում ամերիկա-իսրայելական հարվածների հետևանքով զոհվել է 3375 իրանցի: Կողմերը Պակիստանի միջնորդությամբ քննարկում են հակամարտության ավարտի առաջարկները, սակայն առայժմ համաձայնության հասնել չի հաջողվել։