1 րոպեի ընթերցում
Հայաստանի վարչապետ Նիկոլ Փաշինյանը հայտարարել է, որ չի մասնակցելու Մոսկվայում մայիսի 9-ին կայանալիք Հաղթանակի օրվան նվիրված զորահանդեսին։
«Արմենպրես»-ի հաղորդմամբ՝ այս մասին վարչապետը հայտարարել է լրագրողների հետ ճեպազրույցի ժամանակ։
«Ես ապրիլին Ռուսաստան կատարած իմ այցի ընթացքում Ռուսաստանի նախագահին տեղեկացրել եմ, որ քարոզարշավի բերումով չեմ կարողանա մասնակցել Մայիսի 9-ի միջոցառումներին»,- ասել է Փաշինյանը։
Հայաստանում մայիսի 8-ից կմեկնարկի հունիսի 7-ին կայանալիք խորհրդարանական ընտրությունների քարոզարշավը։ Իշխող «Քաղաքացիական պայմանագիր» կուսակցությունն արդեն հայտարարել է, որ վարչապետ Նիկոլ Փաշինյանի գլխավորությամբ մայիսի 8-ին և 9-ին քարոզարշավ են անցկացնելու Սյունիքի մարզում։