Մադինա գյուղում 2018-2025 թվականներին սոցիալ-տնտեսական և կենսական նշանակության 16 ծրագիր է իրականացվել
1 րոպեի ընթերցում
Գեղարքունիքի մարզի Մարտունի համայնքի Մադինա գյուղում 2018-2025 թվականներին սուբվենցիոն ու պետական այլ ծրագրերով սոցիալ-տնտեսական և կենսական նշանակության 16 ծրագիր է իրականացվել, որոնց ուղղությամբ կատարված կապիտալ ներդրումների չափը կազմել է 2 միլիարդ 654 միլիոն 195 հազար դրամ։
Ինչպես «Արմենպրես»-ին տեղեկացրին Մարտունու համայնքապետարանի աշխատակազմից, ներդրված ծրագրերից 15-ը սուբվենցիոն են՝ 659 միլիոն 274 հազար 773 դրամ ընդհանուր արժեքով, և 1-ը՝ պետական՝ 1 միլիարդ 994 միլիոն 921 հազար դրամ արժեքով։ Ներդրված ծրագրերի իրականացման արդյունքում Մադինայում 2018-2025 թվականների ընթացքում կառուցվել է 2676 մետր խմելու, 9907 մետր ոռոգման ջրատարներ, 7200 մետր արտաքին լուսավորության ցանց և կրթահամալիրի շենք, հիմնանորոգվել 2539 գծամետր երկարության ներհամայնքային նշանակության ճանապարհ։
ՀՀ կառավարության կողմից իրականացվող «300 դպրոց, 500 մանկապարտեզ» ծրագրի շրջանակներում և Հայաստանի տարածքային զարգացման հիմնադրամի պատվիրատվությամբ Մադինայում կառուցվում է կրթահամալիր՝ 1 միլիարդ 994 միլիոն 921 հազար դրամ պայմանագրային արժեքով։
Կրթահամալիրի կառուցման աշխատանքները մեկնարկել են 2024 թվականի դեկտեմբերին և կավարտվեն 2026 թվականի հոկտեմբերին։