1 րոպեի ընթերցում
Հայաստանի Հանրապետության վարչապետ Նիկոլ Փաշինյանն ու Խորվաթիայի վարչապետ Անդրեյ Պլենկովիչը երկու երկրների միջև ռազմավարական երկխոսության համաձայնագիր են ստորագրել:
«Արմենպրես»-ի հաղորդմամբ՝ այս մասին X-ի իր էջում արված գրառմամբ հայտնել է ՀՀ վարչապետը:
«Խորվաթիայի վարչապետ Անդրեյ Պլենկովիչի հետ ստորագրեցինք Հայաստան-Խորվաթիա ռազմավարական երկխոսության համաձայնագիրը, որը նշանակալի առաջընթաց է մեր երկկողմ կապերի զարգացման գործում»,-գրել է ՀՀ վարչապետը։
Նիկոլ Փաշինյանը նաև հայտարարել է, որ Երևանը պատրաստ է Հայաստան-Խորվաթիա համագործակցությունը բարձրացնել նոր մակարդակի և ընդլայնել ներգրավվածությունը հիմնական ոլորտներում, այդ թվում՝ Հայաստան-Եվրամիություն գործընկերության շրջանակներում։
Խորվաթիայի վարչապետը Երևան է ժամանել՝ մասնակցելու Եվրոպական քաղաքական համայնքի գագաթնաժողովին։