1 րոպեի ընթերցում
Թուրքիայի փոխնախագահ Ջևդեթ Յըլմազը կայցելի Հայաստան՝ մասնակցելու Եվրոպական քաղաքական համայնքի 8-րդ գագաթնաժողովին։
«Արմենպրես»-ի հաղորդմամբ՝ այս մասին տեղեկացնում է «Անադոլու» գործակալությունը։
«Յըլմազը կներկայացնի Թուրքիան Եվրոպական քաղաքական համայնքի 8-րդ գագաթնաժողովում, որը տեղի կունենա մայիսի 4-ին Երևանում, «Կառուցելով ապագան. միասնություն և կայունություն Եվրոպայում» թեմայով»,– նշված է գործակալության հրապարակման մեջ։
Ընդգծվում է, որ Թուրքիայի փոխնախագահ Ջևդեթ Յըլմազի այցը Երևան կլինի Հայաստան կատարած առաջին նմանատիպ այցը։