თურქეთის ვიცე-პრეზიდენტი სომხეთს ეწვევა

თურქეთის ვიცე-პრეზიდენტი ჯევდეთ ილმაზი სომხეთს ეწვევა ევროპული პოლიტიკური გაერთიანების მე-8 სამიტში მონაწილეობის მისაღებად.

 „არმენპრესის“ ცნობით, ამის შესახებ ინფორმაციას სააგენტო „ანადოლუ“ ავრცელებს.

„ილმაზი თურქეთს წარადგენს ევროპული პოლიტიკური გაერთიანების მე-8 სამიტზე, რომელიც 4 მაისს ერევანში გაიმართება თემაზე: „მომავლის მშენებლობა: ერთიანობა და სტაბილურობა ევროპაში“, - ნათქვამია სააგენტოს პუბლიკაციაში.

ხაზგასმით აღინიშნა, რომ თურქეთის ვიცე-პრეზიდენტის, ჯევდეთ ილმაზის ვიზიტი ერევანში იქნება პირველი მსგავსი ტიპის ვიზიტი სომხეთში.