1 րոպեի ընթերցում
ՀՀ ՆԳՆ փրկարար ծառայության Լոռու մարզային օպերատիվ կառավարման կենտրոնում ապրիլի 29-ին, ժամը 10։39-ին ահազանգ է ստացվել, որ գազ տեղափոխող կցորդով բեռնատարը Վանաձոր-Փամբակ ավտոճանապարհին կողաշրջվել է։
«Արմենպրես»-ի հաղորդմամբ՝ այս մասին տեղեկացնում են ՀՀ ՆԳՆ փրկարար ծառայությունից` հավելելով, որ պատահարի հետևանքով տուժածներ չկան։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Փամբակ գյուղի սկզբնամասում «Iveco» մակնիշի կցորդով բեռնատարը դուրս է եկել ճանապարհի երթևեկելի հատվածից և կողաշրջվել․ ավտոմեքենայի բաքից առկա է վառելիքի արտահոսք։
Հրշեջ-փրկարարները հերթապահել են մինչ վերամբարձ կռունկի օգնությամբ բեռնատարի ուղղումը և իրականացրել ճանապարհահատվածի լվացման աշխատանքներ։