1 րոպեի ընթերցում
Կրեմլում հայտարարել են, որ Ռուսաստանը չի պլանավորում դուրս գալ ՕՊԵԿ+-ից: Այդ մասին «Արմենպրես»-ը տեղեկանում է «Ինտերֆաքս» գործակալությունից:
Լրագրողների այն հարցին, թե արդյոք Մոսկվան քննարկում է ՕՊԵԿ+-ից դուրս գալու հնարավորությունը, Ռուսաստանի նախագահի մամուլի քարտուղար Դմիտրի Պեսկովը պատասխանել է. «Ոչ»։
Լրագրողների հետ զրույցի ընթացքում Պեսկովին նաև խնդրել են հաստատել, որ ՕՊԵԿ+-ից ԱՄԷ-ի դուրս գալը չի նշանակում միավորման աշխատանքի ավարտ։
«Մենք, իհարկե, կցանկանայինք նման հույս ունենալ։ Սա աշխատանքի շատ կարևոր ուղղություն է, որը հատկապես կարևոր է ներկա պայմաններում, երբ էներգետիկ շուկաները, մեղմ ասած, փոթորկում են», - ասել է Կրեմլի ներկայացուցիչը։
Նա ընդգծել է, որ սա մի ձևաչափ է, որը թույլ է տալիս զգալիորեն նվազեցնել էներգետիկ շուկաների տատանումները և կայունացնել այդ շուկաները։
ԱՄԷ-ն հայտարարել է, որ մայիսի 1-ից դուրս կգա ՕՊԵԿ-ից և ՕՊԵԿ+ դաշինքից: