1 րոպեի ընթերցում
Հայաստանի տարածքային զարգացման հիմնադրամի (ՀՏԶՀ) պատվիրատվությամբ վերանորոգվում է Գեղարքունիքի մարզի Գավառ համայնքի թիվ 4 հիմնական դպրոցը։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, Գավառի Ավետիք Իսահակյանի անվան թիվ 4 հիմնական դպրոցի վերանորոգման ծրագրի պայմանագրային արժեքը կազմում է 271 միլիոն 980 հազար դրամ, որն ամբողջությամբ հատկացվում է պետբյուջեի միջոցներից։
Ծրագրով նախատեսվում է տանիքի, հատակի, էներգամատակարարման, ջրամատակարարման, ջեռուցման համակարգերի, դռների, սանհանգույցների մասնակի կամ ամբողջական վերանորոգում, պատերի ներքին ու արտաքին ներկում, այլ աշխատանքներ։
Շինաշխատանքները, որոնք նախատեսվում է ավարտել հուլիսին, իրականացվել են շուրջ 45 տոկոսով։