Թուրքիայում ևս մեկ զինված հարձակում է տեղի ունեցել դպրոցի վրա. կան զոհեր և վիրավորներ

Թուրքական լրատվամիջոցները հայտնում են, որ զինված հարձակում է տեղի ունեցել Թուրքիայի Քահրամանմարաշ քաղաքի Այսեր Չալըքի միջնակարգ դպրոցում։

Ինչպես հաղորդում է «Արմենպրես»-ը, այս մասին հայտնում են թուրքական ԶԼՄ-ները:

CNN Türk-ի փոխանցմամբ՝ հարձակվողը եղել է դպրոցի 8-րդ դասարանի աշակերտ:  

Զինված անձի մոտ հինգ ատրճանակ է եղել, նա հարձակումից հետո ինքնասպան է եղել։ 

Քահրամանմարաշի նահանգապետը հայտնել է, որ կրակոցների հետևանքով զոհվել է չորս մարդ, վիրավորների թիվը հասնում է 20-ի։ 

Թուրքիայի արևելքում գտնվող Սիվերեք քաղաքի (Շանլըուրֆա նահանգ) դպրոցի վրա ապրիլի 15-ին նույնպես զինված հարձակում էր տեղի ունեցել:

Հարձակման հետևանքով վիրավորվել էր տասնվեց մարդ, այդ թվում՝ երեխաներ և ուսուցիչներ։

Հարձակվողը վերջում ինքնասպան էր եղել։