ԱՄՆ գործերի ժամանակավոր հավատարմատարը ծանոթացել է Հայաստանի ազգային պատկերասրահի հարուստ հավաքածուին
1 րոպեի ընթերցում
ԱՄՆ գործերի ժամանակավոր հավատարմատար Դեյվիդ Ալենն այցելել է Հայաստանի ազգային պատկերասրահ՝ ծանոթանալու հայկական և միջազգային գեղանկարչության հարուստ հավաքածուներին։
«Արմենպրես»-ի փոխանցմամբ՝ այս մասին հայտնում են Հայաստանում Միացյալ Նահանգների դեսպանությունից, նշելով, որ Դեյվիդ Ալենը դիտարկել է պատկերասրահի հայկական հավաքածուն, որտեղ տեղ են գտել մեծանուն նկարիչների, այդ թվում՝ Սարյանի, Այվազովսկու և Սուրենյանցի կտավները։
Նա շրջել է նաև որմնանկարների սրահում՝ ծանոթանալով հայկական գեղանկարչության և պատկերային արտահայտչամիջոցների զարգացման ուղուն։