Իրաքի արմատական խմբավորումները հայտարարել են ԱՄՆ-ի և Իսրայելի դեմ գործողությունները երկու շաբաթով դադարեցնելու մասին
1 րոպեի ընթերցում
Շիաների ռազմականացված խմբավորումները, որոնք մտնում են «Իրաքի իսլամական դիմադրություն» շարժման կազմի մեջ, հայտարարել են Իրաքի տարածքում և դրանից դուրս գտնվող ամերիկյան և իսրայելական օբյեկտների դեմ մարտական գործողությունները երկու շաբաթով դադարեցնելու մասին։
«Արմենպրես»-ի փոխանցմամբ՝ խմբավորումների հաղորդագրությունը հրապարակել է Al Arabiya-ն։
«Մենք հայտարարում ենք ռազմական գործողությունների երկշաբաթյա դադարեցման մասին երկրի ներսում և դրա սահմաններից դուրս», - նշված է հաղորդագրության մեջ:
Ավելի վաղ ԱՄՆ նախագահ Դոնալդ Թրամփը հայտնել էր, որ Իրանը 10 կետից բաղկացած ծրագիր է փոխանցել միջնորդների միջոցով, և այդ ծրագրի հիման վրա բանակցություններ կսկսվեն։ Կողմերը հայտարարել են երկշաբաթյա հրադադարի մասին։
Պակիստանի վարչապետ Շեհբազ Շարիֆն իր հերթին գրառում է կատարել X-ում՝ հայտարարելով հրադադարի մասին, որն ուժի մեջ պետք է մտնի «անմիջապես»։ Շարիֆը նաև նշել է, որ հրադադարի համաձայնել են ինչպես Իրանը և ԱՄՆ-ն, այնպես էլ նրանց դաշնակիցները։