Ստամբուլում Իսրայելի հյուպատոսության շենքի մոտ զինված բախում է տեղի ունեցել

Ստամբուլում Իսրայելի հյուպատոսության շենքի մոտ տեղի է ունեցել զինված բախում։

Ինչպես հաղորդում է «Արմենպրես»֊ը, այդ մասին հայտնում են թուրքական ԶԼՄ֊ները։

Թուրքիայի ոստիկանության հաղորդմամբ՝ միջադեպի ընթացքում վնասազերծվել են երեք կասկածյալ, որոնցից երկուսը սպանվել են։ Նույն աղբյուրի համաձայն՝ բախման հետևանքով վիրավորվել են երկու ոստիկան։ Դեպքի վայրում իրականացվել են անվտանգության ուժեղացված միջոցառումներ, իսկ իրավապահ մարմինները շարունակում են պարզել տեղի ունեցածի հանգամանքները։

Միջադեպի դրդապատճառների և կասկածյալների ինքնության վերաբերյալ լրացուցիչ մանրամասներ առայժմ չեն հաղորդվում։