1 րոպեի ընթերցում
Գեղարքունիքի մարզի Ճամբարակ համայնքի Վահան գյուղում 2018-2025 թվականների ընթացքում սոցիալ-տնտեսական և կենսական նշանակության 6 ծրագիր է իրականացվել, որոնց ուղղությամբ կատարված կապիտալ ներդրումները կազմել են 1 միլիարդ 47 միլիոն 100 հազար դրամ։
Ինչպես «Արմենպրես»-ին տեղեկացրին Ճամբարակի համայնքապետարանի աշխատակազմից, իրականացված ծրագրերից 4-ը սուբվենցիոն են՝ 109 միլիոն 100 հազար դրամ ընդհանուր արժեքով, և 2-ը՝ պետական՝ 968 միլիոն դրամ արժեքով։
Իրականացված ծրագրերի արդյունքում 2018-2025 թվականների ընթացքում Վահանում կառուցվել է 12276 մետր երկարության խմելու ջրատարի ներքին ու արտաքին ցանցեր, 2000 մետր սալիկապատ մայթեր, խմելու ջրի քլորակայան, օրվա կարգավորիչ ջրամբար, հիմնանորոգվել 5700 գծամետր մարզային ու ներհամայնքային նշանակության ճանապարհ, 2 կամուրջ։
Պետական ծրագրերով հիմնանորոգվել է Ճամբարակ-Վահան 5700 գծամետր երկարության ճանապարհը, Վահանի միջնակարգ դպրոցի և մանկապարտեզի կարիքների համար կառուցվել 1000 մետր խմելու ջրատար, քլորակայան և օրվա կարգավորիչ ջրամբար։