Հայաստանում սպասվում են տեղումներ, բուք, ճանապարհներին՝ մերկասառույց

Հայաստանի Հանրապետության «Հիդրոօդերևութաբանության և մոնիթորինգ»-ի կենտրոնը ներկայացրել է առաջիկա օրերի եղանակային կանխատեսումը։ 

Ինչպես «Արմենպրես»-ը տեղեկանում է Կենտրոնի տարածած հաղորդագրությունից,  Հայաստանում ապրիլի 7-ի ցերեկը, 8-12-ին՝ ժամանակ առ ժամանակ շրջանների զգալի մասում սպասվում են տեղումներ, լեռնային և առանձին նախալեռնային գոտիներում ապրիլի 9-10-ին՝ ձյան և թաց ձյան, հովտային գոտիներում՝ անձրևի տեսքով։

Քամին` հարավարևմտյան` 2-5 մ/վ։

Ապրիլի 8-10-ին առանձին շրջաններում սպասվում է քամու ուժգնացում՝ 24-27 մ/վ արագությամբ, լեռնային գոտիներում բուք, ցածր հորիզոնական տեսանելիություն, ճանապարհներին՝ մերկասառույց:

Օդի ջերմաստիճանն ապրիլի 9-ի ցերեկը, 10-ի գիշերը կնվազի 5-7 աստիճանով, ապրիլի 11-ին նույնքան կբարձրանա։

Երևանում ապրիլի 7-ի ցերեկը, 8-ին, 11-12-ին սպասվում է կարճատև անձրև։ Ապրիլի 9-10-ին ժամանակ առ ժամանակ սպասվում է անձրև։

Ապրիլի 9-10-ին սպասվում է քամու ուժգնացում 13-16մ/վ արագությամբ։