ՀՀ ԱԺ այգում տեղի է ունեցել հոգեհանգստյան կարգ՝ նվիրված Կոզեռնի հանգստարանի ննջեցյալների և հոկտեմբերի 27-ի զոհերի հիշատակին
1 րոպեի ընթերցում
Հայաստանի Հանրապետության Ազգային ժողովի այգում ապրիլի 6-ին տեղի է ունեցել Կոզեռնի հանգստարանի ննջեցյալների եւ հոկտեմբերի 27-ի ոճրագործության զոհերի հիշատակին նվիրված հոգեհանգստյան կարգ:
Ինչպես «Արմենպրես»-ը տեղեկանում է Ազգային ժողովի տարածած հաղորդագրությունից, ՀՀ ԱԺ նախագահ Ալեն Սիմոնյանը, ԱԺ փոխնախագահներ Ռուբեն Ռուբինյանը եւ Հակոբ Արշակյանը, ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը, ԱԺ աշխատակազմի ղեկավար-գլխավոր քարտուղար Դավիթ Առաքելյանն ու աշխատակազմի ներկայացուցիչներ ծաղիկներ են խոնարհել Ազգային ժողովի այգում տեղադրված հուշակոթողի մոտ:Հ
ոգեհանգստյան կարգը կատարել է Սուրբ Սարգիս եկեղեցու հոգեւոր հովիվ Տեր Արարատ քահանա Օրդոյանը: