Փաշինյանը ԼՂ-ից բռնի տեղահանված կնոջը հրավիրում է Կառավարություն՝ նրանից պաշտոնապես ներողություն խնդրելու
1 րոպեի ընթերցում
Վարչապետ Նիկոլ Փաշինյանը Լեռնային Ղարաբաղից տեղահանված կնոջը, որի հետ մարտի 22-ին մետրոյում սուր խոսակցություն էր ունեցել, հրավիրել է Կառավարություն՝ ուղիղ եթերում նրանից պաշտոնապես ներողություն խնդրելու։
«Արմենպրես»-ի փոխանցմամբ՝ այս մասին Նիկոլ Փաշինյանը գրել է «Ֆեյսբուք»-ի իր էջում։
«Հարգելի տիկին Արմինե Մոսիյանին ու իր որդուն հրավիրում եմ ՀՀ Կառավարություն՝ ուղիղ եթերում իրենից ու իր որդուց պաշտոնապես ներողություն խնդրելու։
Եթե Կառավարություն գալը իր համար ընդունելի չէ, պատրաստ եմ նույնը անել Երեւանի մետրոպոլիտենում, իրեն հարմար ժամի՝ կրկին ուղիղ եթերում։
Պատրաստ եմ նույնը անել իր բնակության կամ աշխատանքի վայրում։
Սիրում եմ բոլորիդ»,- գրել է Փաշինյանը։