366.85
Վարչապետը չնախատեսված կանգառ արեց Գեղարքունիքի Լճափ գյուղի մոտ՝ լսելով տեղի բնակիչներին հուզող խնդիրները
1 րոպեի ընթերցում
ՀՀ վարչապետ Նիկոլ Փաշինյանը «Քաղաքացիական պայմանագիր» կուսակցության ներկայացուցիչների հետ Գեղարքունիքի մարզ կատարած այցելության շրջանակներում չնախատեսված կանգառ ունեցավ Լճափ գյուղի մոտ՝ հանդիպելով տեղի բնակիչների հետ։
«Արմենպրես»-ի հաղորդմամբ՝ Լճափի բնակիչները Նիկոլ Փաշինյանի հետ հանդիպմանը բարձրաձայնեցին իրենց մտահոգող մի շարք խնդիրներ, որոնք վերաբերում էին մասնավորապես ջրամատակարարմանը, դպրոցի շենքային պայմաններին։
Հանդիպմանը նշվեց, որ այլ բնակավայրերի հետ միասին ջրագծի անցկացումը նախատեսվում է սուբվենցիոն ծրագրով, որ համար համայնքային բյուջեով արդեն շուրջ 400 միլիոն դրամ է նախատեսվել։ Բացի այդ, գյուղում կառուցվել է նոր բուժամբուլատորիա, որը, ինչպես տեղեկացրեց ՀՀ առողջապահության նախարար Անահիտ Ավանեսյանը, ներկայում համալրվում է համապատասխան գույքով և առաջիկայում կսկսի գործել։
Անդրադառնալով դպրոցի շենքային պայմանների բարելավմանը, վարչապետը հավաստիացրեց, որ այն կընդգրկվի ՀՀ կառավարության կողմից իրականացվող դպրոցաշինության ծրագրի հաջորդ փուլում։
Բաժանորդագրվեք մեր ալիքին Telegram-ում