1 րոպեի ընթերցում
Երուսաղեմում մարտի 19-ի ուշ երեկոյան հզոր պայթյուններ են լսվել: Քաղաքում նաև հնչել են օդային տագնապի ազդանշանները: «Արմենպրես»-ի փոխանցմամբ՝ այս մասին հաղորդել են AFP-ի թղթակիցները:
Դա տեղի է ունեցել այն բանից հետո, երբ Իսրայելը հայտնել է Իրանի կողմից հերթական հրթիռային հարվածների մասին:
Գրանցվել են մի քանի հրթիռային արձակումներ, այդ թվում՝ մեկը՝ կեսգիշերից կարճ ժամանակ առաջ։ Դրան հաջորդել են պայթյունները:
Իսրայելի «Մագեն Դավիդ Ադոմ» արտակարգ օգնության ծառայությունը հայտարարել է, որ տուժածների մասին տեղեկություններ չեն ստացել:
ԱՄՆ-ն և Իսրայելն Իրանի դեմ համատեղ ռազմական գործողություն են սկսել փետրվարի 28-ից՝ մեղադրելով Թեհրանին հրթիռային և միջուկային ծրագիրը զարգացնելու համար։ Իրանը, հերքելով մեղադրանքները, սկսել է պատասխան հարվածներ հասցնել Իսրայելին, ինչպես նաև տարածաշրջանի երկրներում ամերիկյան ռազմաբազաներին։