Պենտագոնի ղեկավարը հայտնել է, որ անհրաժեշտ է պատշաճ ֆինանսավորում պատերազմի նպատակներին հասնելու համար
2 րոպեի ընթերցում
ԱՄՆ պաշտապանության նախարար Փիթ Հեգսեթը մամուլի ասուլիսում անդրադարձել է Իրանի դեմ պատերազմի համար 200 միլիարդ դոլարի բյուջետային պահանջի վերաբերյալ հաղորդագրություններին։ Նա նշել է, որ այդ թիվը կարող է փոխվել, և որ «վատ մարդկանց սպանելու համար գումար է անհրաժեշտ»։ «Արմենպրես»-ի փոխանցմամբ՝ այս մասին հաղորդում է BBC-ն։
Նա նաև կարևորել է «պատշաճ ֆինանսավորումը» ապագայում անհրաժեշտ ցանկացած բանի համար։
Հեգսեթի խոսքով՝ պատերազմում ԱՄՆ-ի հետ ամենաշատը համագործակցել է Իսրայելը՝ շեշտելով, որ նա «անհավանական և կարողունակ» գործընկեր է եղել «առաջին օրվանից»։
Նա նշել է, որ Պարսից ծոցի երկրները նույնպես անհավանական կերպով են դրսևորել իրենց՝ հավելելով, որ հակամարտությունը նրանց «ուղղակիորեն բերել է մեր ուղեծիր»։
Հեգսեթի խոսքով՝ ԱՄՆ-ն մինչ օրս հարվածել է իրանական ավելի քան 7000 թիրախի, և զորքերն «ավելի ճշգրիտ պատկերացում ունեն, թե ինչին են հարվածում և ինչու»։
Միևնույն ժամանակ Շտաբների պետերի միացյալ կոմիտեի նախագահ գեներալ Դեն Քեյնը հայտարարել է, որ Իրանն «այս պայքարի մեջ մտել է մեծ քանակությամբ զենքերով», այդ իսկ պատճառով ԱՄՆ-ն հնարավորինս «ագրեսիվ և վճռական» է։
Նրա խոսքով՝ ԱՄՆ-ն շարունակում է «որսալ, գտնել և ոչնչացնել դրանք», բայց Իրանը դեռևս պահպանում է «որոշակի կարողություններ»։