ՀՀ ԲՏԱ փոխնախարարի գլխավորությամբ կայացել է «Համագործակցություն հանուն կիբեռանվտանգության ամրապնդման» ծրագրի նիստը

4 րոպեի ընթերցում

Հայաստանի Հանրապետության բարձր տեխնոլոգիական արդյունաբերության նախարարի տեղակալ Ռուբեն Սիմոնյանի գլխավորությամբ տեղի է ունեցել  «Համագործակցություն՝ հանուն կիբեռանվտանգության ամրապնդման» (Partnership for Strengthening Cybersecurity) ծրագրի շրջանակում ձևավորված Կառավարման հանձնաժողովի 2-րդ նիստը։

Նիստին մասնակցել են նաև Հայաստանի տեղեկատվական համակարգերի գործակալության տնօրեն Ներսես Երիցյանը, Հայաստանում Գերմանիայի Դաշնային Հանրապետության փոխդեսպան Լարս Հեննիգը, Գերմանիայի Դաշնային Հանրապետության արտաքին գործերի նախարարության կիբեռ արտաքին քաղաքականության և կիբեռանվտանգության համակարգման բաժնի ղեկավար Ֆելիքս Քրոլը, ինչպես նաև Եվրոպական հանձնաժողովի Միջազգային օգնության և համագործակցության պատասխանատու Ստեֆանո Գուարդատին։

«Արմենպրես»-ի փոխանցմամբ՝ ԲՏԱ նախարարությունից հայտնում են՝ Ռուբեն Սիմոնյանն ընդգծել է, որ կիբեռանվտանգությունն այսօր առանցքային առաջնահերթություն է՝ թե՛ ազգային անվտանգության ապահովման, թե՛ թվային տնտեսության կայուն զարգացման տեսանկյունից։ Նախարարի տեղակալի խոսքով՝ Հայաստանը հետևողական քայլեր է ձեռնարկում ոլորտի զարգացման ուղղությամբ՝ ներդնելով համակարգային լուծումներ և ամրապնդելով ինստիտուցիոնալ կարողությունները

Նախարարի տեղակալը բարձր է գնահատել GIZ-ի հետ ձևավորված արդյունավետ համագործակցությունը՝ ընդգծելով, որ ծրագիրն էականորեն նպաստում է ոլորտային բարեփոխումների իրականացմանը, տեղական կարողությունների հզորացմանն ու միջազգային առաջադեմ փորձի ներդրմանը։

Հանդիպման ընթացքում անդրադարձ է կատարվել նաև վերջերս ընդունված «Կիբեռանվտանգության մասին» ՀՀ օրենքին։ Ընդգծվել է, որ այն ամուր հիմքեր է ստեղծում ոլորտի զարգացման համար՝ ամրապնդելով կիբեռպաշտպանության մեխանիզմներն ու բարելավելով կրիտիկական տեղեկատվական ենթակառուցվածքների պաշտպանվածության մակարդակը։

Կարևորվել է նաև ՀՀ- ԵՄ համապարփակ և ընդլայնված գործընկերության համաձայնագրի (CEPA) շրջանակում ստանձնած հանձնառությունը՝ Եվրոպական միության NIS2 դիրեկտիվի դրույթների մոտարկման ուղղությամբ։

Որպես 2026 թվականի համագործակցության հիմնական ուղղություններ՝ մատնանշվել են ոլորտի մասնագետների կարողությունների հզորացումը, օրենսդրական դաշտի լրամշակումը՝ գործառնական համակարգերը ԵՄ NIS2 դիրեկտիվի սկզբունքներին համապատասխանեցնելու նպատակով, ինչպես նաև տարածաշրջանային ու եվրոպական գործընկերների միջև վստահության մթնոլորտի ձևավորումը։ 

Հանդիպման ավարտին կողմերը վերահաստատել են պետական, միջազգային և մասնավոր հատվածների սերտ համագործակցության անհրաժեշտությունը՝ հանուն կիբեռանվտանգության ազգային համակարգի ամրապնդման:

Ծրագիրն իրականացնում է Գերմանական միջազգային համագործակցության ընկերությունը (GIZ)՝ Գերմանիայի կառավարության պատվիրակմամբ և Եվրոպական միության համաֆինանսավորմամբ՝ ՀՀ բարձր տեխնոլոգիական արդյունաբերության նախարարության հետ սերտ համագործակցությամբ։ Նախաձեռնության իրականացման գործընկերն է Հայաստանի տեղեկատվական համակարգերի գործակալությունը (ISAA)։»:

Հայերեն Русский

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը

Իրանի դեմ պատերազմը ԱՄՆ-ի համար արժեցել է 48 միլիարդ դոլար