Առողջապահության նախարարն ու ՀՏԶՀ-ի տնօրենն Արմավիրի մարզում հետևել են ամբուլատորիայի շինարարական աշխատանքներին

Հայաստանի Հանրապետության առողջապահության նախարար Անահիտ Ավանեսյանն Արմավիրի մարզի Խանջյան համայնքում հետևել է ամբուլատորիայի շինարարական աշխատանքներին: Շրջայցին մասնակցել է նաև Հայաստանի տարածքային զարգացման հիմնադրամի տնօրեն Սարգիս Բաղինյանը:

«Արմենպրես»-ի փոխանցմամբ՝ նախարարության տարածած հաղորդագրության մեջ նշվում է, որ ամբողջովին նոր բովանդակությամբ կառուցվող ամբուլատորիան մի քանի ամիս անց սպասարկելու է համայնքի 3600 բնակչի:

Խանջյան համայնքի այս ամբուլատորիան Կառավարության ծրագրով կառուցվող 29 համայնքային ամբուլատորիաներից մեկն է, որը տիպային շենքից բացի ունենալու է նաև նոր մոտեցմամբ կահավորում:

Բոլոր 29 ամբուլատորիաների շինարարական աշխատանքներն ավարտվելու են 2026 թվականին: