368.44
Ղարաբաղից տեղահանված անձանց համար երևանամերձ համայնքներում բնակարան ձեռք բերելու գումարը 1 անձի հաշվով կդառնա 4 միլիոն դրամ
1 րոպեի ընթերցում
Ղարաբաղից բռնի տեղահանված անձանց բնակարանային աջակցության պետական ծրագրի շրջանակներում երևանամերձ համայնքներում բնակարան ձեռք բերելու համար ընտանիքում մեկ անձի հաշվով տրամադրվող 3 միլիոն դրամը կդառնա 4 միլիոն դրամ։
«Արմենպրես»-ի փոխանցմամբ՝ «Ներառական զարգացում. ձեռքբերումներ և անելիքներ» խորագրով համաժողովի ժամանակ այս մասին հայտարարել է Հայաստանի վարչապետ Նիկոլ Փաշինյանը։
«Մենք առաջիկայում որոշում կկայացնենք և երևանամերձ համայնքներում բնակարան ձեռք բերելու համար ընտանիքում մեկ անձի հաշվով տրամադրվող 3 միլիոն դրամը կդարձնենք 4 միլիոն դրամ։ Մեր որոշումը սա է, առաջիկայում նաև դե յուրե որոշումը կկայացնենք»,- նշել է վարչապետը։
ՀՀ վարչապետը հավելել է, որ Երևանում բնակարան գնելու համար տրամադրվող գումարը չեն պլանավորում ավելացնել, որովհետև միտված են ծրագիրը դեպի մարզեր ուղղորդելուն։
Բաժանորդագրվեք մեր ալիքին Telegram-ում