ՀՀ և Օմանի արտգործնախարարները ստորագրել են քաղաքական խորհրդակցությունների մասին փոխըմբռնման հուշագիր
1 րոպեի ընթերցում
ՀՀ ԱԳ նախարար Արարատ Միրզոյանը և Օմանի ԱԳ նախարար Բադր բին Համադ բին Համուդ Ալ-Բուսաիդինը Մասկատում ստորագրել են արտաքին քաղաքական գերատեսչությունների միջև քաղաքական խորհրդակցություններ անցկացնելու մասին փոխըմբռնման հուշագիր:
«Արմենպրես»-ի հաղորդմամբ՝ այս մասին հայտնում են ՀՀ արտաքին գործերի նախարարությունից։
Ավելի վաղ՝ գերատեսչությունից տեղեկացրել են, որ Օման պաշտոնական այցի շրջանակներում մարտի 17-ին Մասկատում ՀՀ ԱԳ նախարար Արարատ Միրզոյանը հանդիպում է ունեցել Օմանի Սուլթանության ԱԳ նախարար Բադր բին Համադ բին Համուդ Ալ-Բուսաիդիի հետ:
Հանդիպմանը քննարկվել են Հայաստանի և Օմանի միջև համագործակցության զարգացման հարցերի լայն շրջանակ։