Կենսաթոշակների բարձրացումը կարող է հանգեցնել 0.2 տոկոս գնաճի. Մարտին Գալստյան

Հայաստանում կենսաթոշակների առաջիկա բարձրացումը կարող է հանգեցնել գնաճի:

«Արմենպրես»-ի հաղորդմամբ՝ այս մասին ասուլիսում հայտարարեց ՀՀ կենտրոնական բանկի նախագահ Մարտին Գալստյանը:

«Ապրիլի 1-ից կենսաթոշակների բարձրացումը կարող է հանգեցնել 0.2 տոկոս գնաճի: 0.1-0.2 տոկոս՝ նայած, թե ոնց եք չափում, բայց, մինչև տարեվերջ»,- նշեց նա:

Ավելի վաղ ՀՀ վարչապետ Նիկոլ Փաշինյանը հայտարարել էր, որ Հայաստանում ապրիլի 1-ից բարձրացվելու են կենսաթոշակներն ու նպաստները։ Թոշակառուների մեծ մասի համար բարձրացումը կլինի 10 հազար դրամով, որոշ դեպքերում բարձրացումն ավելի շատ կլինի, քան 10 հազար դրամն է՝ մինչև 15 հազար դրամ, որոշ դեպքերում էլ՝ ավելի քիչ՝ 7-9 հազար դրամ։