Հայաստանի և Բահրեյնի արտգործնախարարները քննարկել են Մերձավոր Արևելքում ստեղծված իրադրությունը

Հայաստանի արտաքին գործերի նախարար Արարատ Միրզոյանը հեռախոսով զրուցել է Բահրեյնի Թագավորության ԱԳ նախարար Աբդ Ալ-Լատիֆ բին Ռաշիդ Ալ-Զայանիի հետ: «Արմենպրես»-ի փոխանցմամբ՝ այս մասին հայտնում են ԱԳՆ-ից։

Զրույցի ընթացքում քննարկվել է Մերձավոր Արևելքում ստեղծված իրադրությունը։ 

Նախարար Միրզոյանը հետաքրքրվել է վերջին օրերի զարգացումների հետևանքով ստեղծված իրավիճակով՝ մտահոգություն հայտնելով քաղաքացիական օբյեկտների թիրախավորման կապակցությամբ:

Մտքեր են փոխանակվել իրավիճակի հանգուցալուծման հնարավորությունների շուրջ: