Իսրայելը հարվածել է Լիբանանի հյուսիսում պաղեստինցի փախստականների ճամբարին․ կան զոհեր

Իսրայելի բանակը հարվածել է Լիբանանի Տրիպոլի ափամերձ քաղաքում գտնվող պաղեստինցի փախստականների Բեդդաուի ճամբարում գտնվող շենքին, ինչի հետևանքով զոհվել է երկու, վիրավորել՝ մեկ մարդ։ «Արմենպրես»-ի փոխանցմամբ՝ այս մասին հայտնում է Associated Press-ը։

Լիբանանի առողջապահության նախարարությանը հաղորդմամբ՝ հարվածը տեղի է ունեցել առանց նախազգուշացման։

Իսրայելական կողմը չի պարզաբանել, թե ում են թիրախավորել այս հարվածով։

Բեյրութից մոտ 85 կիլոմետր հյուսիս և Լիբանան-Իսրայել սահմանից ավելի քան 180 կիլոմետր հեռավորության վրա գտնվող Բեդդաուին թիրախավորվել էր նաև 2024 թվականին Իսրայելի և «Հեզբոլլահ»-ի միջև պատերազմի ժամանակ։

Չնայած 2024 թվականի նոյեմբերին կնքված հրադադարին՝ իսրայելական զինվորականները 2025-ի հուլիսին հայտարարել են, որ հարվածել են ճամբարում գտնվող ՀԱՄԱՍ-ի ներկայացուցչին։