1 րոպեի ընթերցում
Իսլամական հեղափոխության պահապանների կորպուսը (ԻՀՊԿ) հրթիռներով և անօդաչու թռչող սարքերով թիրախավորել է Բահրեյնում ԱՄՆ ավիաբազան։ «Արմենպրես»-ն այս մասին տեղեկանում է ՏԱՍՍ-ից:
«Այսօր լուսաբացին ԻՀՊԿ-ն անօդաչու թռչող սարքերով և հրթիռներով զանգվածային հարված է հասցրել ԱՄՆ ռազմաբազային Բահրեյնի Շեյխ Իսայի շրջանում», - հայտարարությունից հատված է ներկայացրել Իրանի պետական հեռուստատեսությունը։
Նշվում է, որ ԱՄՆ ռազմական օբյեկտի վրա հարձակման ժամանակ օգտագործվել են 20 մարտական ԱԹՍ և երեք բալիստիկ հրթիռ։
ԻՀՊԿ-ի պնդմամբ՝ հարձակման հետևանքով «ավերել է ավիաբազայի հրամանատարական-շտաբային շենքը, բռնկվել են վառելիքի ցիստեռնները»:
Իսրայելը և ԱՄՆ-ն փետրվարի 28-ից հարվածներ են հասցնում Իրանին, որն էլ պատասխան հարվածներ է հասցնում Իսրայելին և տարածաշրջանի երկրներում գտնվող ամերիկյան ռազմաբազաներին և էներգետիկ օբյեկտներին։