1 րոպեի ընթերցում
Երևանի համայնքային մանկապարտեզների աշխատողների աշխատավարձերն ընթացիկ տարվա մայիսի 1-ից կբարձրանան 15–20 տոկոսով։
«Արմենպրես»-ի հաղորդմամբ՝ այս մասին հայտարարել է Երևանի քաղաքապետ Տիգրան Ավինյանը՝ Ֆեյսբուքի իր էջում հրապարակած տեսանյութի մեջ։
«Վերջին երեք տարիներին արդեն երկրորդ անգամ Երևանի քաղաքապետարանը հնարավորություն է ունենում անդրադառնալու մեր մանկապարտեզների աշխատակիցների աշխատավարձերին։ Հիշեցնեմ, որ 2024թ. մանկապարտեզներում աշխատակիցների աշխատավարձերը բարձրացրեցինք 15-ից մինչև 31 տոկոսով»,-ասել է Ավինյանը։
Նրա խոսքով՝ հազարավոր աշխատակիցներ, մասնավորապես, դաստիարակներն ու տնօրենները հնարավորություն կունենան նաև 200 հազար դրամ աշխատավարձի շեմն անցնելով, օգտվել առողջապահության համընդհանուր ապահովագրության փաթեթներից։
Ըստ Ավինյանի՝ մյուս բոլոր աշխատակիցների համար էլ գործում են քաղաքապետարանի կողմից առաջարկվող առողջապահական ապահովագրության փաթեթները։